بسم الله الرحمن الرحيم
اتوقع طلبه وطالبات ثالثه متحمسين حييل لهالماده بنفس الوقت متوترين حيل, لانها اول ماده راح تعطيكم الفرصه بانكم تتعاملون مع مريض وتعالجونه, شي كبير ويخوف. انا كنت خايفه من هالماده, كنت احس ان المعلومات الي خذيتها من سنه ثانيه ليلحين ماتكفي اني اتعامل معامله مباشره مع مريض واقدم له الخدمه الصحيه الي يحتاجها. لكن كل هذا الخوف والتوتر كان مؤقت وبسرعه تعودت و وثقت بنفسي باني اتحمل هذي المسؤوليه .
بهذي الماده راح تتعلمون عن المفاصل الطرفيه كلها (العلويه والسفليه) ماعدى العمود الفقري راح تاخذون له ماده كامله بروحه بسنه رابعه. بكل مفصل في 4 اقسام مهمه راح اتكلم عنها بالتفصيل.
1-تشريح المفصل Anatomy
اول واهم شي اهو انكم تعرفون تركيب المفصل , شنو العظام الي تكونه, شنو العضلات الي حوالينه, شنو الاعصاب الي تمر فيه واشياء وايد. لان التشخيص الصح يبدأ بانك تعرف شنو الي جدامك و قاعد تتعامل معاه. انصحكم بكتب الاناتومي الي ذاكرتها بالبلوق مال الاناتومي وايد راح يفيدونكم خاصه انكم راح تاخذون اناتومي 2 بهالكورس ف عصفورين بكتاب :)
2-الامراض Pathology
بعد ماتتعرفون عالمفصل ومكوناته ضروري تعرفون شنو المشاكل الي ممكن تصير له او حواليه . طبعا ماراح تخلصون كل الامراض بالعالم بس هالكورس حاط لكم اهم واكثر الامراض انتشار لالعالم وخاصه بالكويت لانكم بتروحون العيادات وبتشوفون كل شي. مثل الروماتيزم والخشونه وتيبس الكتف و و و
3-التشخيص Assesment
شي حيل يميزنا الي اهو الـSpecial tests راح تتعلمون طرق تشخيصيه سريعه تخص كل حاله مرضيه وكل هالفحوصات تعتمد بشكل كلي على الاناتومي يعني الي مايفهم اناتومي ماراح يفهم ليش قاعرين نسوي هالفحوصات ولا راح يفهم شلون طريقتها
4-العلاج Treatment
بهالمجال راح تتعلمون من مدرستين (maitland +kaltenborn) يعتمدون وايد على تشريح المفصل نفسه + الفيزياء. لا تحاتون وايد بمجرد ماتفهمون المبادئ الاساسيه لهم راح تعرفون تطبقونهم ع كل المفاصل
الكتب المفيده لهالماده:
وبسس هذا اختصار شديد للماده الحلوه, لا تحاتون انتو قدها الله حط بايدكم الشفاء لهالمرضى ف شدو حيكم وخلكم قد المسؤوليه وخافو الله بالمرضى وموفقين يارب
تعليقات
إرسال تعليق