بسم الله الرحمن الرحيم
على كثر التخرع الي راح تسمعونه على هالماده على كثر
ماهي حلوه وسهله, اهي الأساس لكل شي راح تاخذونه بالمستقبل عن العلاج الطبيعي بكل
اقسامه وانا متأكده ان بعد ماتخلصونها بتستوعبون شكثر ضيعتوا وقت وانتو تخافون
وتتحلطمون منها, ف ابيكم تركزون معاي عشان لمن تاخذونها تكونون فاهمينها وعارفين
شالطبخه وتمشون مع الماده عدل.
الماده تنقسم الى أربع اقسام, وكل قسم له كتابه الخاص
الا الأخير ( لا تخافون حلوين) راح اتكلم عنهم بالتفصيل:
القسم الأول (فيه شغلتين)
المدى الحركي Range of motion(1)
لمن نسمع كلمه المدى الحركي على طول يروح للمفاصل الي
بجسم الانسان, لنا كلنا مدى حركي "شبه" مطابق للناس الأصحاء , مثلا لو
اقولكم رفعوا ايدكم من على جنبكم لي اخر شي تقدرون توصلون له ورا راسكم فوق راح
توقفون عند حد معين وهالحد المعين يكون مثل ماقلت لكم شبه مطابق لكل الناس الأصحاء
180 درجه. راح تتعلمون بهالقسم شلون تقيسون الزاويه هذي (زاويه المدى الحركي
للمفاصل) لجميع المفاصل من الفكين لي اصابع الريل, باستخدام أداه اسمها قونيوميترراح
احط لكم صورتها,وطبعا تعرفون اجزائها وشلون الطريقه الصح لوضعها عالمفاصل كلها, وتعرفون
القياسات الطبيعيه لجميع هالزوايا لان احنا لازم نعرف القياسات الطبيعيه عشان نعرف
اذا كان في شي مو طبيعي (مثلا شخص قياس زاويه المدى الحركي مالته لمفصل الكتف
برفعه اليد من الأمام =90 واهي المفروض تكون 180 هذا اكيد عنده مشكله لازم نجيك
عليها يمكن تكون من المفصل او عضلات مثلا) ,وقياس الزاويه هذي يكون على ثلاث مراحل
(اول شي تقييم,بعدين من المريض, بعدين منكم) (clinical estimation, actively, passively)
يعني اول شي تطلبون من المريض يسوي الحركه الي انتو
تبونها مثلا يرفع ايده, اولا تشوفون الزاويه بعيونكم وتقيمونها تقولون ان اعطي هالزاويه
90 درجه, بعدين تطلبون منه يرد يرفعها بنفسه وتقيسون الزاويه باستخدام القونيو
والمفروض تكون الدرجه قريبه من الي قلتوها بتقييمكم, بعدين تمسكون الايد وتاخذونها
شوي اكثر من الزاويه الي قدر يسويها عشان تشوفون الاحساس شنو وهل يقدر يروح بعد
ولا لا.
هذا الاحساس الي تحسونه بالنهايه
اسمه, وله 3 انواع ممكن يكون: :end
feel
كأنكم راح تكسرون عظم اذا زدتو الضغط Hard1صلب
طري يكون غالبا عضل او دهون وتحسون بالامان انكم تزيدون
الضغط جنكم تضغطون على مخدهSoft2
تحسونه نفس المطاط
جذي وممكن يكون عضل او شي ثانيFirm 3بين الاثنين
معناه انكم ماتقدرون
تحددون شنو نوع الاحساس بسبب ألم المريض مايسمحلكم تاخذونه.Empty 4فارغ
المشكله وين تكون وشنو أهميه هالاحاسيس كلها: كل مفصل له
احساس نهايه طبيعي مثلا مفصل الكوع اذا مديته طبيعي احس باحساس صلب لانه العظم يطق
بالعظم "اناتومي" اما لو حسيت اي أحساس ثاني اهني نعرف ان في مشكله
ولازم نجيك اكثر.
طول العضلات Muscles Length
(2)
طول العضلات مهم جدا لقياس المدى الحركي لان لو كانت
العضله فيها خلل بالطول ماراح تعطينا مدى حركي كامل للمفاصل. راح تتعلمون شلون
تقيسون اطوال اهم العضلات الي تأثر على الحركه والمشي بنفس الأداه الي ذكرناها قبل
القونيوميتر بس بطريقه تختلف مافيها تقييم ولا هالسوالف مجرد مد للعضله بعكس اتجاه
حركتها واخذ القياس من المفصل الاساسي.
صوره توضع المدى الحركي لبعض المفاصل
هذا الكتاب المهم لهالقسم
وهذا اهو القونيوميتر
القسم الثاني
قياس قوه العضلات الذاتي Manual muscle testing
عشان نتحرك ونقوم ونسوي كل شي بحياتنا الطبيعيه لازم
عضلاتنا تكون قويه بما فيه الكفايه, وعشان نعرف قوه العضلات بطريقه بسيطه وسهله
اهي استخدام قياس العضلات الذاتي, مجرد سلم تقييم من5 مراحل بحيث 0 ماكو حركه كلش
بالعضله لي 5 اقوى شي وتتحمل المقاومه ضد الجاذبيه. وهذا باختصار اهو القسم الثاني
مجرد تقييم لقوة العضله بانكم تغيرون وضعيه المريض عشان تكون مع او ضد الجاذبيه
وانكم تحطون مقاومه وتتحكمون فيها بايدكم. وانتو مطالبين بهالقسم انكم تعرفون اسماء
ومواقع العضلات كلها وشنو حركتها عشان تقيسون قوتها.
هذا الجدول المهم للتقييم
هذا الكتاب المهم لهالقسم
القسم الثالث
التمارين
العلاجيهTherapeutic Exercise
أبيكم تحطون هالثلاث نقاط ببالكم عددل وبعدها وعد مني كل
شي بيكون اسهل مايكون بهالقسم حتى ماتحتاجون تبطلون لا نوت ولا كتاب (تجربتي)
1-مدى حركي ناقص؟ حرك
Reduced ROM? Mobilize
2-عضله قصيره؟ مد
Short muscle?
lengthen
3-عضله ضعيفه؟ قَوٌ
Weak muscle? Strengthen
والي بعد هال3 نقاط تفكير بديهي. راح يعلمونكم كذا تمرين
على كذا اداه موجوده بالمختبر وحتى التمارين الي يقدر يسويها المريض بدون استخدام
ادوات او التمارين الي لازم تتسوى بمساعده الأخصائي . بحر من التمارين مستحيل
يقدرون يعلمونكم ياها بهالفتره المحدوده ف أنصحكم تفكرون خارج الصندوق وتخلون
السما اهي حدود تفكيركم وتكونون مبدعييين بناحيه التفكير بالتمارين لان هذي شغلتنا
كأخصائيين علاج طبيعي.
القسم الرابع
The suspension
هالقسم وايد صغير وحلو ياخذ محاضره الى محاضرتين
بالكثييير, تتعلمون فيه عن السسبنشن الي بحطلكم صورته تحت عباره عن شغله جنها قفص وفيه
حدايد وجي سوالف جنه سجن عشان تحركون فيه اطراف المريض ويقدر يسوي فيه تمارينه بأقل
جهد ممكن وهالجهاز مفيد اكثر شي لمرضى الاعصاب والي قوة عضلاتهم 2 وتحت.
صوره الجهاز
وبس هذا باختصار ملخص اول ماده بتحسسكم بدوركم كأخصائيين
علاج طبيعي بهالتخصص. صدقوني بتحسون اول شي ان ولا شي له له معنى لانكم قاعدين
تطبقون على نفسكم ناس أصحاء لكن بمجدر انكم ترونون المستشفى راح توضح الأمور وصدقوني
كل الاشياء الي راح تستصعبونها بهالماده راح تسوونها وانتو مغمضييين عيونكم بعدين
بالمستشفى لانه راح يصير شي روتيني طبيعي انكم تقيسون قوه وطول العضلات والمدى
الحركي لكل مريض اييلكم القسم. موفقين يارب
تعليقات
إرسال تعليق