بسم الله الرحمن الرحيم
راح اشرح لكم اهني شنو تسوون وشنو متوقع منكم
خطوه بخطوه لامتحان العملي لماده الالكترو ثيرابي سواء 1 او 2 الاختلاف فقط بنوع
الجهاز او الموداليتي . قبل الامتحان العملي راح يعطونكم ورقه (او تقولونها شفهي)
تكتبون فيها الحالات الي يسمح ولايسمح فيها استخدام الجهاز وليش.
ينقسم الامتحان العملي الى اربع اجزاء : (التعريف
و التحضير, العلاج, السلامه, عام)
أولا التعريف و التحضير:
اهم شي تسوونه اول ماتدخلون غرفه الامتحان
اهو انكم تعرفون المريض بنفسكم بهالجمله حرفيا( My -name is….. I’m
a second year PT student , what’s your name?)
-ضروري
تعرفون المريض بنوع الجهاز الي راح تستخدمونه وليش مثلا تقولون (I will use the
hot pack for you to reduce your pain)
-ضروري
ضروري ضروري تغطون المريض ب ثلاث مراحل (اثناء التبديل والعلاج ولمن يلبس ملابسه
مره ثانيه ) واذا كان مثلا المكان الي بتعالجونه ايده او قدمه ومومحتاج انه يفصخ
ملابسه تقولون بصوت واضح للي يمتحنكم (there is no need to drap the patient
)
-لازم
تكونون منتبهين للمكان الي بتعالجونه وماتنسون يمين او يسار وتضبطون الجلسه الصحيحه
والادوات المساعده عشان تضبطون الجلسه له ويكون المريض مرتاح-
ثانيا العلاج:
-لازم تبلشون بتنظيف المنطقه الي بتعالجونها
بكحول
-تسوون الاختبار المطلوب على حسب الجهاز,
ولازم قبل الاختبار تشرحون للمريض شنو تسوون واثناء الاختبار تطلبون من المريض انه
يلف ويهه ويسكر عينه ويقولكم شنو يحس وهل المكان الي قاعدين تختبرونه نفس المكان
السليم الي مو قاعدين تختبرونه ولازم يكون الاختبار ع المنطقه كامله وعلى حسب توزيعه
الاعصاب( الديرماتومز)
-تجهزون الجهاز وتقربونه من الجهه الي تبون
تعالجونها ويفضل تلفونها بعيد عن المريض عشان مايشوف شنو انتو تسوون بالجهاز ويقلدكم
بعدين.
-تضبطون البراميترز والارقام عالجهاز
-يكون المكان صحيح بالتطبيق
-تقولون المده الزمنيه اللازمه للتطبيق
-قبل ماتبلشون لازم تشرحون للمريض شنو راح
يحس+ تنبهونه وتقولون له لاتنام ولا تلمس الجهاز ولا تتحرك واذا احتجت اي شي تقدر
تناديني راح اكون موجود اهني ( حرفيا كل شي مكتوب تقولونه)
-تسألون المريض اثناء العلاج شنو يحس فيه
-وبنهايه العلاج تشيلون الجهاز وتشوفون المنطقه
المعالجه وتديرون بالكم وضعيه المريض واهو
ينزل من الكرسي او الطاوله
السلامه:
-مهمه جدا جدا سلامه المريض وسلامه الطالب
واي شي تسوونه يمكن يأذي المريض او نفسكم راح تاخذون صفر بالامتحان
-جيكوا دايما ع وايرات الجهاز والارضيه اذا
كان فيها ماي و وضعيه المريض و البودي ميكانكس
عام:
-المظهر العام مهم , لبسوا سكربز مع لابكوت واذا
كنتو بنات متحجبات دخلوا الحجاب داخل ملابسكم لازم مايطلع ويأذي المريض, واذا
كنتوا مو متحجبات رفعوا شعركم لنفس السبب. لا تلبسون سلاسل واسوارات ولا تلبسون كعب
عالي او مكياج مبالغ فيه
-اسلوب الحوار مهم جدا بينكم وبين المريض او
بينكم وبين الي يمتحنكم
-الحالات الي يسمح ولايسمح لكم باستخدام
الجهاز مهم جدا تعرفونهم وتفهمون ليش
- راح يسألونكم اساله علميه لها علاقه بالجهاز
من الناحيه العمليه او النظريه ف لازم تراجعون الجزء النظري بعد للامتحان
............................
كل سطر كتبته عليه عالاقل درجه بالامتحان .
امتحان الالكتروثيرابي بالذات من الامتحانات الي سهل تييبون فيه درجه كامله اذا
حفظتوا كل الخطوات وسهل اكثر انكم تنقصون وايد درجات اذا نسيتوا نقاط, ف نصيحتي
لكم تتدربون عدددل على الخطوات كامله وتسون مسرحيه بينكم وبين نفسكم او زملائكم
تشرحون فيها كل الخطوات السابقه كأنكم بامتحان, وموفقين
تعليقات
إرسال تعليق