Physical Therapy

بسم الله الرحمن الرحيم اتوقع طلبه وطالبات ثالثه متحمسين حييل لهالماده بنفس  الوقت متوترين حيل, لانها اول ماده راح تعطيكم الفرصه بانكم تتعاملون مع مريض وتعالجونه, شي كبير ويخوف. انا كنت خايفه من هالماده, كنت احس ان المعلومات الي خذيتها من سنه ثانيه ليلحين ماتكفي اني اتعامل معامله مباشره مع مريض واقدم له الخدمه الصحيه الي يحتاجها. لكن كل هذا الخوف والتوتر كان مؤقت وبسرعه تعودت و وثقت بنفسي باني اتحمل هذي المسؤوليه . بهذي الماده راح تتعلمون عن المفاصل الطرفيه كلها (العلويه والسفليه) ماعدى العمود الفقري راح تاخذون له ماده كامله بروحه بسنه رابعه. بكل مفصل في 4 اقسام مهمه راح اتكلم عنها بالتفصيل. 1-تشريح المفصل Anatomy اول واهم شي اهو انكم تعرفون تركيب المفصل , شنو العظام الي تكونه, شنو العضلات الي حوالينه, شنو الاعصاب الي تمر فيه واشياء وايد. لان التشخيص الصح يبدأ بانك تعرف شنو الي جدامك و قاعد تتعامل معاه. انصحكم بكتب الاناتومي الي ذاكرتها بالبلوق مال الاناتومي وايد راح يفيدونكم خاصه انكم راح تاخذون اناتومي 2 بهالكورس ف عصفورين بكتاب :) 2-الامراض Pathology بعد...

بسم الله الرحمن الرحيم على كثر التخرع الي راح تسمعونه على هالماده على كثر ماهي حلوه وسهله, اهي الأساس لكل شي راح تاخذونه بالمستقبل عن العلاج الطبيعي بكل اقسامه وانا متأكده ان بعد ماتخلصونها بتستوعبون شكثر ضيعتوا وقت وانتو تخافون وتتحلطمون منها, ف ابيكم تركزون معاي عشان لمن تاخذونها تكونون فاهمينها وعارفين شالطبخه وتمشون مع الماده عدل. الماده تنقسم الى أربع اقسام, وكل قسم له كتابه الخاص الا الأخير ( لا تخافون حلوين) راح اتكلم عنهم بالتفصيل: القسم الأول (فيه شغلتين) المدى الحركي  Range of motion (1) لمن نسمع كلمه المدى الحركي على طول يروح للمفاصل الي بجسم الانسان, لنا كلنا مدى حركي "شبه" مطابق للناس الأصحاء , مثلا لو اقولكم رفعوا ايدكم من على جنبكم لي اخر شي تقدرون توصلون له ورا راسكم فوق راح توقفون عند حد معين وهالحد المعين يكون مثل ماقلت لكم شبه مطابق لكل الناس الأصحاء 180 درجه. راح تتعلمون بهالقسم شلون تقيسون الزاويه هذي (زاويه المدى الحركي للمفاصل) لجميع المفاصل من الفكين لي اصابع الريل, باستخدام أداه اسمها قونيوميترراح احط لكم صورتها,وطبعا تعرفون ا...

بسم الله الرحمن الرحيم راح اشرح لكم اهني شنو تسوون وشنو متوقع منكم خطوه بخطوه لامتحان العملي لماده الالكترو ثيرابي سواء 1 او 2 الاختلاف فقط بنوع الجهاز او الموداليتي . قبل الامتحان العملي راح يعطونكم ورقه (او تقولونها شفهي) تكتبون فيها الحالات الي يسمح ولايسمح فيها استخدام الجهاز وليش. ينقسم الامتحان العملي الى اربع اجزاء : (التعريف و التحضير, العلاج, السلامه, عام) أولا التعريف و التحضير: اهم شي تسوونه اول ماتدخلون غرفه الامتحان اهو انكم تعرفون المريض بنفسكم بهالجمله حرفيا( My - name is….. I’m a second year PT student , what’s your name?) -ضروري تعرفون المريض بنوع الجهاز الي راح تستخدمونه وليش مثلا تقولون ( I will use the hot pack for you to reduce your pain) -ضروري ضروري ضروري تغطون المريض ب ثلاث مراحل (اثناء التبديل والعلاج ولمن يلبس ملابسه مره ثانيه ) واذا كان مثلا المكان الي بتعالجونه ايده او قدمه ومومحتاج انه يفصخ ملابسه تقولون بصوت واضح للي يمتحنكم ( there is no need to drap the patient ) -لازم تكونون منتبهين للمكان الي بتعالجونه وماتنسون يمين او يسار وتض...

بسم الله الرحمن الرحيم هالماده بشكل عام تتكلم عن مو بس العلاج بالكهربا, تتكلم عن كل الطرق الثانويه الممكن استخدامها لتخفيف الالم, الانتفاخ, الالتهاب, تحفيز الشفاء, تقويه العضلات وارخائها, من قبل اخصائي العلاج الطبيعي وهذي الطرق اهي طرق مسسساااعده وليست معااالجه يعني لازم تستخدم مع علاج يدوي و تمرينات عشان تييب مفعول ,,المادتين لهم برزنتيشن يتكلم عن اي شي له علاقه باللي تدرسونه, وراح تاخذون هالماده على جزئين راح اتكلم عنهم بالتفصيل بس اول شي خل اتكلم عن الامتحان لانه متشابه بالمادتين, يكون الامتحان النظري مكس(اختياري , صح وغلط, شورت نوت, توصيل ...) والعملي راح يختارون لكم جهاز وانتوا تطبقون عليه( راح اشرح بتفاصيل اكثر ب بوست ثاني) . بحط لكم صور اهم كتابين للمادتين   الكترو 1 راح تاخذون هالماده بسنه ثانيه كورس ثاني وتتكلم هالماده عن الحراره والبروده وتأثيرها العلاجي على الجسم والعضلات و العلاج المائي و جهاز الالترا ساونت والشورت ويف الكترو 2 راح تاخذون هالماده بسنه ثالثه كورس اول وتتكلم هالماده عن اجهزه الليزر و الشوك ويف واجهزه توصيل الادويه بالجسم وا...

بسم الله الرحمن الرحيم هالماده راح تحسونها من المواد الي كل شي فيها مكرر من اول جابتر للاناتومي1 الي بتاخذونهم مع بعض سنه ثانيه كورس اول, كل شي اهناك بتاخذونه بهالماده+تفاصيل اكثر وهالشي راح يفيدكم حيل بالمادتين لان المحتوى اولريدي سهل و ماخذينه من قبل . بشكل عام الماده تتكلم عن انواع الانسجه المختلفه بجسم الانسان وخلاياها, من شنو تتكون, شنو وظيفتها, وحتى شلون تجهزون شرايح للمتخبر, اي الماده تحسونها للمختبرات اكثر مننا وحتى يدرسوننا دكاتره مختبرات طبيه بس هالماده مهمه لنا لان شغلنا راح يكون مختص بكل الجسم (عضلات, عظام ,اعصاب, اعضاء,,,) وعشان نعالج هالاشياء لازم نعرف من شنو تتكون من اصغر جزء فيها لي اكبر جزء, عشان نفهم اكثر. اختبارات الماده كلها اختياري و نوتات الماده كافيه حيل بس بحط لكم صوره كتاب للماده راح يفيدكم. موفقين

بسم الله الرحمن الرحيم ماده علم النفس ماده مشتركه بين جميع تخصصات الكليه يدرسونكم ياها دكاتره الطب وراح تاخذونها بسنه ثانيه كورس ثاني,   كلاساتها ممتعه والامتحانات كلها اختياري ف تقدرون تييبون قريدات حلوة, بشكل عام تتكلم عن اهم المبادئ الاساسيه والنظريات المهمه بعلم النفس وشلون بلش هذا العلم ومنو العلماء وبعد عن اهم الامراض النفسيه الي ممكن تشوفونها سواء على المرضى داخل المستشفى او برا المستشفى على الناس حوالينكم, وفي محاضره جدا مهمه اخر الكورس عن شلون تغير طريقه تفكيرك للمواقف الي تصير لك يكون عليها تركيز قوي باساله الفاينل. النوتات كافيين للدراسه بس راح ينصحونكم بكتاب واييبون منه اسأله راح احط صورته تحت. ........................   الماده هذي اكبر دليل ان احنا مو بس نتعامل مع جسم, احنا نتعامل مع انسان كامل ف لازم نكون ع علم كافي فيه بجميع النواحي خاصه الجانب النفسي لان له تأثير حيل كبير بعلاجه من امراضه الجسميه,ولازم اذا شكينا بالمريض ان فيه مرض نفسي او شي مانتردد ان نكلمه او نحوله لمختص يقدر يساعده, وموفقين يارب.